الى سيدي ومولاي الامام مسلم ابن عقيل ع اقول
(349)
*****
من شد الرحيل وعاقد النيه..سفير حسين راح بروح ثوريه
رسائل منه تريد..يجيهم جيه العيد
ننتظرك تجينه بلهفه عل الجيه
*******
رسائل للحسين انرفعت بشكوه
وتشرح هالبشر بيه اله الدعوه
اقدم ياحسين انريدك القدوه
وياك نتشارك مره وحلوه
والك ننطي المواعيد..ونلعن شلت يزيد
اقدم يالولي غطينه بفيه
******
الموالي ينتظر أبعقله واحساسه
الخطر كل الخطر من دكت اجراسه
يزيد الطاغيه وداهه حراسه
يريد العهد منهم هذا البراسه
منهم هو شيريد..ميثاق ومعاهيد
ليزيد الدعي وابن الدعيه
***********
وصلت للدعي منهم المعلومه
الحسين القادم وللناس وبيومه
بعث الهم ابن مرجانه ميشومه
وصاه بوصيه وفكره محسومه
دخلهم مثلم الجيد..ويرفع الهم الايد
دخل الهم شرار اهل البريه
***********
سوو مؤتمر والخطه وضعوهه
من راس الكفر للكوفه جابوهه
لاان شر العظيم هناك دخلوهه
ضماير بدرهم همه باعوهه
حط الايد باليد..وبايعهم العبيد
ونسو بيعة وليهم ميه بالميه
********
مسلم من عرف ظل واكف بحيره
ناس بلا عهد باعتهه الغيره
ظل حاير وحيد وشنهو تدبيره
بس طوعه تحشمه وكامت تجيره
صاحت انت العميد..حملت علي انريد
تحمل كل صفاته انت ومعانيه
*********
حفروله حفيره وضاعت اخباره
وحسين عل مسلم حارت افكاره
ظلت موحشه وخاليه ادياره
بس بنته حميده الدمع يتجاره
عنه رحله ابعيد..ابوه ابن الاجاويد
ظلت محزنه اعليه البنيه
**********
خادم اهل البيت
ابو علي السعيدي