ابوذيات للامام الباقر ع اقول
(346)
*********
علوم الدنيه وبعقله..بقرهه
وعله العلام وبعلمه..بقرهه
تريد اعداه والسمه..بقرهه
تمحي ذكر بيت النبي هيه
**********
احزنت اهلي عل الباقر..وداري
وكمت دمعاتي اواريهه..وداري
ربك يعلم المخفي ..وداري
حزنه عل الولي بكد المنيه
********
الحزن روحي تبلاهه..وصبهه
ودموعي اعليك يالباقر..وصبهه
متى لعمتك تجي تحضر..وصبهه
وتسمح دمعة سكينه ورقيه
*********
سهم الموت مايخطي..ولك صب
دمعي من نزل محزن..ولك صب
جم مره سهم سمهم..ولك صب
يالباقر لفاك بهل المسيه
*********
مصابك لوع الزهره..وفتنه
وسهم السم مرد جبدك..وفتنه
اخبار اليوم يالباقر..وفتنه
برحيلك يالولي بسم الدعيه
*********
عليك دموع ياابو دموع..تنصاب
ومواكب للعزه بهاليوم..تنصاب
عل الباقر سهام الموت..تنصاب
ونفس ذيج السهام اليوم بيه
*********
وحك المصطفى وعلمه..وسمهم
سمي المصطفى الباقر..وسمهم
عل كلب المحب باقي..وسمهم
وتشيل بحزن اسمهه الجعفريه
**********
خادم اهل البيت
ابو علي السعيدي