نداء العقيله ع الى اخيها اقول (319) لو بيدي بدل جا بدليته..بدل روحه غصب روحي نطيته
نداء العقيله ع الى اخيها اقول
(319)
لو بيدي بدل جا بدليته..بدل روحه غصب روحي نطيته
**********
لو بيدي بدل انطيه جف وعين
هذا اللي الوكف واعتذر من حسين
وحنه العلكمي وارخص اله الجفين
وبدمي بدل دمه سكيته
**********
لو بيدي بدل ماتركه اروح وياه
حتى الموت عنه بروحي اتلكاه
احطه روحي بمجانه ساريه بيمناه
اخوي اتمنه بروحي شريته
*********
اخوي اتمنه اصيرله علم والجود
امشي وياهه اخر دنيته بلا حدود
من عكبه الزمن خلاني البس سود
وحداد اعليه طول العمر حديته
*********
انه اللي عشت وياه حفنه اسنين
وابد مايوم عنه غمضيت العين
باريته بعيوني من عمر سنتين
وبحضني وروحي انه ضميته
*********
ضميته بروحي وعلميته اسرار
وفنون الاخوه تعلم بهل الدار
وفنون الحرب من علمه الكرار
من يوم الولد لليوم باريته
**********
باريته بدموع العين والونه
وعل كل صفحه بيه اكلبنه
من صار وكبر مثل الفحل جنه
ياكافل اخيته انه سميته
********
سميته الكفيل وهذا سر مني
وابوي الكال عنه هوه كافلني
لو حضرت الشده منهو يحملني
يتقدم كفيلي العمري داريته
*********
يتقدم كفيلي من يجيب الماي
سكاي العطاشه وحماي هوه الواي
خلص كل حياتك ومنيته وياي
يكظيهه الحيات وماترك بيته
********
خادم اهل البيت
ابو علي السعيدي
|