ابوذيات للعقيله ع واخوتها ع اقول
(294)
***********

وشل مابقه بعيني..ولاماي
انوح وابقى كل عمري..ولاماي
بعد ميفيد ياروحي..ولاماي
رضاء الله من ترضاش هيه
*************

كطعت انه البياده بليل..والفاي
ومن عندي يشح النوم..والفاي
من اعود اعليك ياعباس..والفاي
اسولفلك يخويه الصار بيه
************

حملت من الهموم اشكال..,الوان
ومشيت ابدرب كلي وين..والوان
بجيت اعليك دم العين..والوان
خذيته النوح من امي سجيه
********

بحب حسين خلص..راسه مالي
ولبو الغيره النطيته..راسه مالي
انرفع ياحيف شفته..راسه مالي
وشفت نوره يشع الكون بيه
*********

اريد اطحن صبر روحي..يراحي
بسبب هل اليوم من كثرن..يراحي
متى حي النظر شخصك..يراحي
حي انتي وتشوف الصار بيه
*************

وحك اللي نزل ربك..وحي بيه
هلا بالموت بالعزه..وحي بيه
اريد بجسمك اطوفن..وحي بيه
لاان انت الشهيد الحي اليه
*************

خادم اهل البيت
ابو علي السعيدي