كل الكون وياكم..وعين الباري ترعاكم؟الى ابناء بلدي المجاهدين الذين يقاتلون الدواعش اقو
الى ابناء بلدي المجاهدين الذين يقاتلون الدواعش اقول
(227)
كل الكون وياكم..وعين الباري ترعاكم
**************
ابشرك هاي البشاره..الحجه انتو انصاره..خاب اللي دخل داره
خاب اللي تحداكم
*************
خويه كوم ويانه..نكسر خشمه اعدانه..نرد اللي تحدانه
صوت البلد ناداكم
**************
بنت الموصل بحيره..يوم الطبو الديره..وجهه ليكم اديره
هيه اليوم تنخاكم
**************
عفيه ازلامنه الزينه..يصيح بصوت جاوين..شحد اللي يلاوينه
نكص ايده اللاواكم
*************
ولد الملحه هبينه..صوب الموصل وجينه..بهاي الهوسه نادينه
داي نصير ودواكم
*************
فرض علينه اواجب..الهم نكصد نحارب..بدم الموصل انطالب
ونخلي يخفك الواكم
************
نعلي اليوم رايتنه..بزود وعزم همتنه..نصيح بصوت جلمتنه
اهل الغيره سماكم
**************
اهل الغيره والزود..بكلشي احنه انجود..فنه اليعبر حدود
جاوينه الكصد جاكم
**************
نشوفه الويل والموت..شحده داعشي يفوت..خله يسمع الصوت
صوت الشيعه ناداكم
**************
صاح صوت صوبين..ويل لكل مجرمين..ويانه ابو حسين
فازع سيفه يحماكم
*************
خادم اهل البيت
ابو علي السعيدي
|