يمه يايمه اوفليج نذر..يمه يايمه افديه العمر
لااجل كاعي والوطن..اي وحك دم الحسن
يمه يايمه نحافظ عالخدر
**************

يمه يايمه وصيتج بالكلب..احنه فد حزام هاليوم ونهب.. خل تسمعنه الدواعش والغرب
اليوم حي عالقتال..اليوم يايوم النزال
يمه يايمه تبشري بالنصر
******************

يمه يايمه من حل الفرض..لازم انحافظ عالدين وارض..والستر مريود يمه والعرض
اليوم صاحت هالرجال..اليوم منه لامحال
يمه يايمه واجب هالامر
****************

يمه يايمه حل يوم الجهاد..اتبشرو الجنه ياارض الجواد..الله باركنه من دون البلاد
نحمي ارض الرافدين..ويانه فزاع الحسين
يمه يايمه ماكو كل عذر
****************

يمه يايمه نأدبهه العده..عليهم احنه انصول اصحاب الرده..اليوم هاي الروح تتقدم فده
فدوه لااولاد الامين..نول احد الحسنين
يمه يايمه نسحكه للشمر
********************

يمه يايمه زلمنه معلمه..اليوم يايمه تصطر ملحمه..تصيح كله بصوت وين الظالمه
وين داعش هالنذل..لازم نجره بحبل
يمه يايمه ظهره ينكسر
*****************

يمه يايمه ياطير السعد..اليوم الج منذور اوفيه الوعد..يمه باقي وياج انه عالعهد
عهد هذا من سنين..يوم صرت انه جنين
يمه يايمه منهاب الجمر
******************

يمه يايمه لو خط القلم..والقدر مكتوب امضى من السهم..يمه خلي النعش فوكاه العلم
ويمه يم صحن الحنين..عفري يمه الجبين
يمه يايمه كلبج خل يسر
******************

يمه يايمه كون بزفتي..خل اخواني تعلك رايتي..وقلمي واشعاري ييمه وخدمتي
خلي اولادي تصيح..نذر هذا للذبيح
يمه يايمه خل تقره شعر
******************


خادم اهل البيت
ابو علي السعيدي