الى من يهدد بلد الاوصياء والانبياء ؟وليد اللحظه اقول

(220)

خلي تسمع الناس..ويانه اجفوف عباس
هبت هاي الجنود..تحمي كل الحدود
بلدنه يريد حراس
***********

اهل الغيره يرجال..خل نلم الاوصال..نرده بزودنه العال
نصيح اليوم صوتين..يحضرنه ابو حسين
بصولتنه عل الارجاس
***********

الك مولانه نكول..جتنه عبرت الجول..علينه كامت تصول
مدري منين ومنين..كصدك يفكس العين
كصده ندنك الراس
************

نهب احنه سويه..نحطم الداعشيه..وين ابن الدعيه
ضامر حقده اسنين..يطلبنه تره بدين
نعرف ذوله انجاس
*************

اشلون الدمه ينراق..كومو يهل العراق..شدو ويانه ال نطاق
اخوه احنه اثنين..نرد الاجو باغين
بهمه وزود واحساس
***************

يهل الغيره والزود..كومو عليهم اردود..رب يعين موجود
ابزود الميامين..عليهم احنه صوبين
ننسه الزعل لاباس
****************

حان اليوم يخوان..ندحرهم العدوان..ونسد احنه البيبان
نمليه الشواجير..نصير احنه النواطير
نطلع الدرع والطاس
*****************

خادم اهل البيت
ابو علي السعيدي