وليد اللحظه..الى مولاي الامام علي الاكبر ع للولاده اقول
(212)

بعلي الاكبر اريد الكل تهنني..هوه النور كله وضي البعيني
***********

بعلي الاكبر اريد الناس فرحانه..وكل شعي موالي يحضر ويانه
حتى بالكلب وهذا اضعف ايمانه.. يفرح كل محب شعيي يواليني
*******************

اريد افرح يشيعه وفرحتي بااثنين..وبهذا الشهر يامولود النورين
عباس البطل وعضيده ضي العين..والسجاد واكبر عمري وسنيني
*******************

ياشهر الفرح ومفرح اهل البيت..يالبيك النسايم ندري لو هبيت
يالاكبر صحت واليوم من هنيت..اريد ابصوت الكل من تناديني
********************

يناديني ويصيح اليوم بالميلاد..خل تفرح اخوتي وامي والاولاد
بيومك ياعلي فرحانه الامجاد..بعلي الاكبر اريدن من يروني
*******************

ياشبه النبي يالجدك المختار..يبن صفوة نبينه من علي الكرار
ربك حكمته وبيه اشكثر اسرار..يالمنك حسين وانته حسيني
**********************

كالاهه الرسول بخطبته فد يوم..وبلغ هالرساله وكالهه للكوم
هذا ابني حسين يموت لن مظلوم..وعلي الاكبر هواي البينه وبيني
**********************

علي الاكبر شبيه لخاتم الامه.. يوم اللي انولد يشبه نبي الرحمه
شماهه الحسين وكلمه بااسمه.. يالنورك علي بجدي يحيني
**********************

يالنورك علي شع وضوه بشعبان..واسمك منكتب بحروف عل البيبان
هل هلال شخصك يومه وهل بان..خل نفرح سوه ويتكمل بيه ديني
***********************

خادم اهل البيت
ابو علي السعيدي