الى مولاي الامام الكاظم ع اقول

(172)

صاحت الزوار واسمع هالكلام..نموت نحيه نوصل لكبر الامام
**********************

صاحت الزوار واسمع هالنداء..جينه متلهفين ننطيك الولاء
اليوم حزنانه الارض وي السماء.. انت يامظلوم بغداد السلام
*****************

انت يامظلوم مسموم وسجين..سمك الهارون ابن الظالمين
هاي افعال البغاة الحاقدين..شال نعشك عالجسر ابن الظلام
*******************

هاي افعال الرذيله الا رشيد..ذول نسل الطاغيه هند ويزيد
ندري وي السجن مطوك بالحديد.. الك صار السجن سجده والقيام
*****************

وصلت الزوار يم ذاك الجسر..البيه صار الصار من ذاك الامر
شالو النعش الشريف اهل الغدر..يوم سم الطاغيه بسم السهام
*******************

جينه هذا اليوم وي القادمين..نزور مولانه سيد الكاظمين
جينه مشايه والكلب الحزين..مايهمنه الموت بينه والحسام
*******************

اليوم حزنان اجت كل العباد..موشحه اركان المدينه بالسواد
اليوم يوم الدمع يايوم الحداد..اليوم مسمومه الولايه باانتقام
*****************

اليوم مسمومه الولايه ياعلي..حيل مهمومه وتنادي يالولي
جيت مهمومه وهمي ينجلي..بيك يالكاظم اصيحن عالدوام
******************

نادت الرايات كل رايه بكتر..يلعن الله الظالم واهل الكفر
ويل لااصحاب الرذيله اهل الغدر..الحاربو نهج الامامه العظام

خادم اهل البيت
ابو علي السعيدي