ابوذيات للزهراء ع اقول

عل حيدر جرت اهوال..من هال
عل الزهره التراب بيوم..من هال
منه من يفوح كل الطيب..من هال
تراب اللحد من ذيج المسيه

سمعت اونين داحي الباب..ون هون
ليالي اللي جنت وياج..ون هون
تجافينه ابعجل للموت..ون هون
وتخليني اون صبح ومسيه

وكفت عل الكبور وصحت..وي اه
اريدن باللحد مدفون..وي اه
نذر ناذر واسوم البخت..وي اه
اكوم ازرع ورد درب الزجيه

عل عيني الدمع موشهد..مر سال
بدم كلبي الك خطيت..مرسال
يهل كاصد لااراضي النجف ..مر سال
واكصد زاير لدار الزجيه

وحك اللي رحل وادزاد..له فاي
شوك وصار اله بالروح..له فاي
اظلل بس بجايه الروح.له فاي
السبب بالروح صارت داره هيه

وحك رب العرش معروف ..يوماي
عليه ولون ملوج الموت..يوماي
اتركه الزاد شنهي الاكل..يوماي
المهم خادم اصير اله الزجيه

وحك اللي خلكهه الراح..وي روح
علينه شما كثر بالطعن..وي روح
لون دنياك بيه البشر..وي روح
ينول الشافعه الواله الزجيه

لون اسئلك ملج الموت..ينباك
ونومك صار عالجتفين..ينباك
منهو اللي الك بالجار..ينباك
ومنهو اليحضرك يوم المنيه

وحك اللي خلك بالسمه.. طبكات
الج بظلوعي يازهراء..طبكات
لون الارض وي السمه..طبكات
ماابيعن حيدره اولد الزجيه

وحك اللي خلكه الروح..من روح
ومن بال الدنيه انروح..من روح
المن حملت لو رحت..من روح
اصيرن جار حماي الحميه

رب العرش بكتابه..وعدنه
بجنه احواض هل بيه..وعدنه
حيدر ساقي الكوثر..وعدنه
رجال الموزمه البيهم حميه

الزجيه احزام للشيعه..ودارات
لون بينه الوكت يغدر..ودارات
علينه ازلام كل طاغي..ودارات
نهب بصوت حماي الحميه

للزهره اكتبت حرفي...وعتباي
وادري بصوتي فززه..وعتباي
صحيح النذل عذبني..وعتباي
حملت الصار ماعفت الزجيه

وحك اللي ربطه ذيج..وي هاي
بماي اهل الكرم مغسول..وي هاي
تدري الناصي ايخاف..وي هاي
من اصيح بصوت احنه الرافضيه

بنيت الروح خوش بناي..وبناي
حزين وعزف صار وحيد..وبناي
علمته يحب حسين..وبناي
تعلم صار خادمه الزجيه

وحك اللي ما بالعين..ينشاف
الج يالزهره حتى الدمع..ينشاف
الي شف الا بد مايوم..ينشاف
بحب حيدره اواولد الزجيه

وحك اللي فده وي العين..كفين
عيوني عليك بمصب الدمع..كفين
اكفكف بالمناي اردان..كفين
ماهاب الموت لوتدنه المنيه

خادم اهل البيت
ابو علي السعيدي