محبوبه الزياره بعرف ربك الكون ودعاء الزاير من الله استجاب
ربك يخصك مكارم لودعيت ولو سئلته شنو وشرايد جواب
ربك يوزع العطايا بمنزلات ويوصل اسرعهن للتمشي بحجاب

مهمومه على شانك وكفت الخدام ومورمه الادين وتخدم من اسنين
تنتظرك يزاير من تمر اهنا تحط ارحالك بموكب خدم لحسين
اريد امرادي منك وبعلي انخاك من تراب الجدم اخذه والرجلين

هل نصبناه المواكب لليزورك ياحسين واحنه اول ناس لبينه النداء
هذا حب حسين مو هينه عليك هذا رمز العزه والشيمه واباء
احنه خدام الزجيه ومن سنين تسمه موكبنه باسم سيد الشهداء

نتلكه اليزورك بلهفه همه وشوك شما غابت شمسنه وجلجل الليل
نشد احزام فوك احزام للخدام ومن صبر الحسين أيجينه كل حيل
هاي من العجائب خصه رب الكون لو تمشي بحياتك تتعب من الميل

خادم اهل البيت
ابو علي السعيدي