كيد كيدك يايزيد وافعل افعال الرجس
هذا ابن حيدر ولينه البيده من رد الشمس



هذا ابن حيدر دخله وطب عل المسنايه
غرف بيده الماي كله وما شرب من مايه
شال صمصامه بيمنه وبيسرته الرايه
هذا اخو زينب دخله وعلي يخلسهم خلس

هذا اخو زينب دخله واصبح نياح وعويل
هاض كله الجيش منه يصيح من سيف الكفيل
صاحت الفرسان تندب طبه حامي الدخيل
هذا ابو فاضل دخله يحبس انفاسه حبس

هذا ابو فاضل دخله وكلب يسره عل اليمين
وفرق الجيمان كله يصيح يثار الحسين
انه ابن حيدروليكم ارضعتني ام البنين
انه ابن خير الانام الطاعته الجن وانس

انه ابن خير الانام وتشهد اركان السمه
اروي بجودي العطاشه اروي عيلة فاطمه
عاهدت ربي ورسولي وعاهدت حامي الحمه
اتعلمت من الحسين العفه وطيبت نفس

اتعلمت من الحسين الصبر عل الموزمات
وبيه علمني دروسي وجان اخره الثبات
لافرق عندي بحياتي ولافرق بين الممات
الفرق عندي واساسي هيه بنيان الاسس

الفرق كلش جبير يثبت اركان الولاء
درس من دروس اني جان عندي بالوفاء
نوره دربي وحياتي وجان الي هوه الضياء
حسين يعنلي حياتي بدمي يجري بيه احس

حسين يعلني العقيده وكلشي هوه بالوجود
اله مرخوصه حياتي وعيني وهاي الزنود
حسين علمني الوفاء وانطي كلشي بلا حدود
حسين ياقبله بحياتي تحولت بعد القدس


خادم اهل البيت
ابو علي السعيدي