بنتي حاجتني..بكلمه سرتني
بويه ياهوه الولي..بويه ياهوه الولي


كعدت اكبالي تناشد بنتي وبعمر الزهور
اسمعت بويه انه كلمه تصيح عجل بالظهور
وشفت يابويه اخوتي يخلي ايده بكل فتور
يوكف ويحنيله راسه يصيح بالصوت الجهور

صاحت اخواني..صوت هزاني
بويه ياهوه الولي

بويه ياموقف هذاك اسمعت صوت النداء
اهتزت وي الروح بويه شفت مفتوح السماء
والاشد بويه ذهلني توحد بسرعه الدعاء
واسمعت بويه الصيحه جاب ذكر الاولياء

بسمه سماني..كال عنواني
بويه ياهوه الولي

جلمه يابويه اسمعتهه ورايده منك جواب
اسمعت واحد ينادي انذكر اسم التراب
واسمعت يابويه كالو هذا من يدحي الابواب
وكملو بويه الحديث وانذكر ياهو اللي غاب

فتح بيباني..وخفف احزاني
بويه ياهوه الولي

جاوبته بصوت دافي وجلمه ممليه حنان
بويه رايد خدمه منج لو وصل وقت الاذان
اسمعي بويه المنادي راح ينطق باللسان
والشهاده اتكون بيه همه للدين الامان

هوه ماينساني..عايش بوجداني
بويه ياهوه الولي

لو سمعتي الصوت بويه كبري بصوت العلي
لاسيف الا ذو الفقار ولا فتى الا علي
هذا يابويه النذكره نصبه الباري ولي
وبعده اولاده العلينه وقائم العتره الالي

بذكره الساني..يلهج يعاني
بويه ياهوه الولي

الشهاده بعلي صحت وعزه الباري يكول
نصبت حيدر وليكم واليواليكم قبول
والنكر حيدر امامه يصبح بعالم جهول
هوه حلال المشاكل وتلكه بس عده الحلول

اندفن اني..يمه تلكاني
بويه ياهوه الولي

خادم اهل البيت
ابو علي السعيدي