ابوذيات وليدة اللحظه
(لزواج النورين) اقول

فرحنه اليوم بيكم..من علينه
ونريد الاجر منج..من علينه
ابد منريد واحد..من علينه
اريدن منتج هاي المسيه

اريدن زودي من عندج..وربحي
الج سري ابوحنه..وربحي
اريدن ربج اليفزع..ورب حي
يعين البشر من تنخه الزجيه


حملك لو وكع مره..لو نخيته
وصبح نخته جبير..لو نخيته
باسم حيدرعلي مره..لو نخيته
يخيط الشك يروفه بساع اليه

يخيط الشك يروفه ..بس تمنه
ودعاء الزهره منهه..بس تمنه
ليالي العسر تمت..بس تمنه
يجني الفرح بس رفعت اديه

يجني الفرح هذا اليوم..عل الراس
ويطلع بالبشر من راس..عل الراس
يكولون الولي هاليوم..عل الرس
وتزفه املاك بارينه المسيه

تزفه وبالفرح للفرح..حنيت
ايدي والكلب والروح..حنيت
الك حتى الجد والراس..حنيت
والك حارس اظل مد الدنيه

الك حارس اظل للدوم..وفاي
ماهمني الكعدنه ابشمس..وفاي
اظل طول العمر مولاي..وفاي
اوافيكم ذكر صبح ومسيه

اوافيكم فرح واشعار..وانساب
ومثل ماي الزلال أنصير..وانساب
لون عمري كظيته انشتم..وانساب
مااعوف الولي ونهج الزجيه

مااعوف الولي وابدا ..ولا نوح
وعليهم افرح وابجي..ولانوح
لاادم مثل حبي..ولا نوح
يحب حيدر علي وحب الزجيه

اليحب حيدر علي وحبه..سماهم
وأسماء البشر صارت..سماهم
وسم واتمنه وسمنه..سماهم
بصدري ينختم هوه الهويه

بصدري ينختم حبهم ..ولي شار
ونهجهم مهد ولكلبي..ولي شار
لون كلبي كبر همه..ولي شار
بذكر حيدر يزول الشر عليه

بذكر حيدرنه والزهره..ولدهم
اعداي باسم بارينه..ولدهم
اداهم بالربع واربح..ولدهم
وانه الربحان في حب الزجيه


خادم اهل البيت
ابو علي السعيدي