فرحة ملائكة السمه..الولي اتزوج فاطمه


اليوم فرحانه هلي..والهم مني منجلي
بالعرش زفوه الولي..والنور وبحضنه ارتمه

الواجب علينه وفرض ..انصلي اليوم الفرض
بالطول واركان العرض..لسيدة نساء الخاتمه

ربك ابهاي الامر..واجب على كل البشر
مكتوبه بلوح القدر..نفرح بيوم العالمه

نفرح نهني بالفرح..ويروح جرح المنجرح
ونحني هاليوم الصرح.. ونهني ربي وقائمه

اليوم جدا مسرور..اتزوج النور النور
فرحان واشعل البخور..ونكيد كل الظالمه

افراح صارت بالبلد..الشاب يفرح والولد
الاف عدته وعدد..طلعت تهني باسمه

اتهني قائم امتي..وتهني كله شيعتي
اليوم ارفع رايتي..نهني حماي الحمه

نهني احنه حيدر ه..والبضعه هيه الطاهره
يدرينه خل المادره..الماشاف عينه بالعمه

تنعمي عين الحاسدين..وينكسر ظهر الظالمين
سادة امام المتقين..سادة الكون وحاكمه

خادم اهل البيت
ابو علي السعيدي