استشهاد الجواد ع -- يالمحجوب -- حلت علينه الفاجعه
القصيده للوفاة الجواد ع
============
===================
المستهل
=====
يالمحجوب -- حلت علينه الفاجعه
يالمحجوب -- اليله الجواد انودعه
سم ويكطع جبدته -- جفوف اللئيمه اتولته
-------------
مصاب يالمحجوب عدنه ونته تعلم
هالنهار امن المصيبه اعلينه اظلم
والحزن كل دار بيها الليه خيم
عالجواد انكطع جبده ابشدة السم
يالمحجوب -- صوت المصيبه انسمعك
يالمحجوب -- نشارك اوياك بمدمعك
تجري الموالي دمعته -- جفوف اللئيمه اتولته
-----------------------------
جبود هاي الكم يغايب كطعوها
للنبي جدكم حرمته مارعوها
والوصيه لامته بيكم نسوها
للجواد بسم جبدته ايخذموها
يالمحجوب -- هالامه حقكم نكرته
يالمحجوب -- تعلم وصابر لامته
والنبي اتألمت مهجته -- جفوف اللئيمه اتولته
-----------------------
جاروا اعليكم يغايب جم مصيبه
بكربله تدري الجثث ظلت غريبه
وعمتك زينب يبو الغيره غريبه
تصبر انته هاكثر ولله عجيبه
يالمحجوب -- يايوم رفة رايتك
يالمحجوب -- تنتظر يومك شيعتك
يانبأ عمه وهل اته -- جفوف الجريمه غدرته
---------------------
ما اظن ثار امك اتعوفه يغايب
ضلع والبسمار شاهد والنوايب
والذي عماتك ايظلن غرايب
بس جثث عدهن وغطتها الترايب
يالمحجوب -- لابد وتحظر كربله
يالمحجوب -- تعاقب الرامي حرمله
عالطفل سدد رميته -- جفوف اللئيمه غدرته
--------------------------
تنتظر كل ارمله اتنشف دمعها
ونبلته العبد الله محد هم شلعها
بثارك الزهره بعد تجبر ضلعها
وثار محسن تاخذه الطاح وفجعها
يالمحجوب - يايوم يطلعلك بدر
يالمحجوب -- فاطمه امك تنتظر
كسر الضلع ماجبرته -- جفوف اللئيمه غدرته
----------------
والجبود الكم يثار لله شكثرها
اتوذرت بالسم ويتلاهب جمرها
والاشد امصيبه يالغايب وأمرها
بالجواد الفاجعه واسمع خبرها
يالمحجوب -- بالسم يغدروه ماسلم
يالمحجوب -- شيحمله بالسم الالم
هذا العزه لمصيبته -- جفوف اللئيمه اتولته
------------------
سيد عدنان الحمامي
|