حيدر من مات شوصانه
كل مسلم معروف ايمانه

حيدر وصه بهاي الامه..ماتقبل ذله ولا ظلمه
واليقبله اسليمه اطمه..معروف مبين نيشانه

معروف البايع ملتنه..ويفرق رايد جمعتنه
ويفجر روحه باامتنه..يتسمه ارهابي عنوانه

يتسمه ارهابي ولانريده..وي الكفار ايحط ايده
حجي الكرار احنه انعيده..مانقبل يكعد ويانه

مانقبل ذله وي الظالم..الله الشاهد هوه العالم
نتعلم درس من الكاظم..انذله بسكته اللي عادانه

انذله ومانقبل كل عيله..واخوان انصير وي الميله
ونشد ازره ونشد حيله..ونعلي بجاهه ومن شانه

انعلي رايتنه العالي..لن حيدر جفينه الوالي
بحبهم هايم لن دلالي..وبحبهم شيعه السمانه

ياحيدر يالبيك الايه..نزلت من الله مسمايه
يرفع حيدر بيده الرايه..راية حيدر ربي انطانه

راية حيدر تحمي ابلادي..وبيه العباس وي الهادي
يوم اتصيح الشيعه تنادي..حيدر عزتنه والوانه

خادم اهل البيت
ابو علي السعيدي