اليوم حزنان العرش اعلن حداد
واجب بهالعيد من نلبس سواد

واجب بهالعيد لن سابع يصير.. خل نعوف العيد ونعزي الامير
هذا صاحب بعيته بيوم الغدير.. هذا خير الناس ياباب المراد

شلون فرحان البشر وانت شهيد..مانعيد لازم وما عدنه عيد
وي زينب نتركه الثوب الجديد..ونلبسه ثوب الحزن وي البلاد

شلون اعيد فاطمه ابيت حزن..واصبحت هالدار وحشه وهل تون
وندري راعي الدار يمهه مدفن..بيه ابو الحسنين من اعلن جهاد

بيه ابو الحسنين كمل حجته..نصبه الرحمن بينه اولايته
واعلن عل الناس بيه وصيته..علي من بعدي خيرت هالعباد

علي من بعدي الوصي وهوه ولي..وبيه فتح الله وهمي الينجلي
ولو طحت شده بس اندب علي..يحضرك بو حسين وبيوم الشداد

يحضرك بو حسين حماي الدخيل..لو شفت مره الدهر رايد يميل
وثكل حملك بيه ماتكدر تشيل..تشوف يمك بالنبض هوه الفؤاد

تشوف يمك يحضرك يوم اللزوم..يوم ماينفع ولد محد يدوم
يشيل حملك كله ويزيل الهموم.. يشفي جرحك بيده ويخلي الضماد

يشفي جرحك بيده ويزيل الالم..يعرفه الكرار من شال العلم
وراح يمشي كاصد لاأبنه بندم..ويمشي للكرار كل ارض السواد

خادم اهل البيت
ابو علي السعيدي