اريد الزار حصني ودخل ياهالناس
يوصل هالامانه يكلهه من عباس


عل اختي العقيله رايد تروحون..مو بس اللطم وعلينه من تبجون
حل اليوم وكته ورايد تفزعون..عل كبر العقيله رايد الحراس

عل كبر العقيله يوكف يكلهه..ودمعته بشرف كون اهناك ويهلهه
عن اهمومه كونه يسايلهه..ويمسح كل دمعه بعبره والاحساس

وصيتي لو رحت يازاير لزينب.. حامي عل الكبر لاخاف يسلب
كلهه عل ساعه ويطب للملعب..ويكلبه كلب الشام عل الارجاس

كلله وصيه اعرف شجاري..وبيه اليوم رايد اعرف انصاري
خل يعلم الداري وبيه ماداري..لو صارت صدك اكطعه هالانفاس

اكطعه كطع الشام والبيهه..واخلي النايحه بكل دار تلفيهه
لااخيتي الناصبي وشلون يدنيهه..حلت ساعتي واليوم دك اجراس

حلت ساعتي ولزينب احضرهه..وظهور النواصب لازم اكسرهه
لو تدنه النواصب ضنه تأسرهه..تشوف الويل مني أي وحك العباس

يشوف الويل كلمن لودنه عليهه..ومثل دمع اليتامه اليوم ابجيهه
يدريهه اختمن هوه يدريهه..اخت حسين ذاك الابد ماطخ راس

اخت حسين هايه الطاهره امه..فهمه الجليل بعلمه فهمه
وليوم الطفوف الباري من ضمه..انخطت بالقدر واللوح والكراس

خادم اهل البيت
ابوعلي السعيدي