بعد ميفد الصبر..ذله نكظيهه العمر
لو وصل كبر العقيله..منهو كلي نشتكيله
هاي ماترحم كفر


الشكوى الكم ياالاهي..ومني اسمع هالنداء
تنتهك حرمت نبينه..الحره بنت الاولياء
امه البضعه الزجيه..سيدة كل النساء
والفحل حيدر ابوهه..وجده سيد الانبياء
تحيطه هسه الذئاب..ياعظم هذا المصاب
منهو ينطينه العذر


الحسره والنوح الولانه..متى يارب ينجلي
تنظر الحاله الرهيبه..البيه زينب تنولي
انت ترضاهه يغايب..علينه لو يزعل علي
انريد وياكم نقاتل..وتنحسب صفحه الي
نريد يومك لاتطيله..الروح ولهانه وعليله
بيك مشدوه الفكر

يبو صالح كوم لينه..كربت ايام الظهور
رايد تسجلني يمك..ورايد اسمي بالحضور
اشعظم صبرك علينه..وانت يالكلك صبور
نعرفك قادم علينه..شما قسة بينه الدهور
ندري من تصبح ظلام..ما؟الهه غير الامام
هذا يايوم النصر

متى يامولاي تظهر..وعنه اتشيل الاذيه
وتنصر الامه العظيمه..الطالبت بيه الزجيه
تطرد الارجاس بيدك..من الشمر والناصبيه
وعمتك نحرر كبرهه.. زينب الحره الابيه
بسيفك يعم السلام..ودين ايصير الختام
متى تعجيل الامر

وصلت لحد المهانه..وشيعتك تشكي وتصيح
اشلون اذناب الرذيله..تقترب من الضريح
اهموم واهوال ومصايب..مااظن هم نستريح
الكصد واضح نعرفه..همهم الكبه تطيح
لاوحك ظلع الزجيه..شرينه اشرايه المنيه
ابدا ماننطي الدبر


خادم اهل البيت
ابو علي السعيدي