في حق العباس ع -------- يابا الفضل ضربوني ضربوني ----
المستهل
---------
يابا الفضل ضربوني ضربوني ضربوني
يابا الفضل هظموني هظموني هظموني
-------------
نادت گمر هاشم اخوها – زينب اتگله روعوها
گوملها مو اختك سبوها --- خويه اسمعت شتموني شتموني شتموني
--------------
گوملها صوت اختك الناداك – شلون العزيزه بولية اعداك
انته الجبتني الكربله اوياك – وين اخوتچ نادوني نادوني نادوني
-------------------
ردهن اچفوفك لختك وگوم – وصلت احدودك خويه هالگوم
ظليت وحدي امحيره اليوم -- امشي بيسر يردوني يردوني يردوني
-----------------
مابيها رحمه خويه هالناس – انظرب لو بس صحت عباس
يالچنت لختك شيلة الراس – بت فاطمه ويسبوني يسبوني يسبوني
---------------------
عالرمح راسك يالاخو انشوف -- كلها برعب ايتامك وخوف
اعلينه الرماح امشرعه وسيوف – حرگ الخيم راووني راووني راووني
---------------
روس برماح امعلگه وياي – وآنه ذهيله وحايره الراي
خوف وظمه ولانشرب الماي – من العذب حرموني حرموني حرموني
-----------
لاوين زينب عگبك اتروح – نزفت بگلبي كثره اللجروح
شفت الطفل بالنبله مذبوح – مرمي بسهم يعيوني يعيوني يعيوني
----------------------
عالمشرعه نمشي ونخليك -- تبچي رقيه يالاخوا اعليك
عمي يعمي اسمع تناديك – ليش بعطش خلوني خلوني خلوني
----------- سيد عدنان الحمامي ---------
|