كوم سكنه نادتك حاجيهه
كوم ياعباس خويه ارويهه

كوم ياساكي العطاشــه بكربله
كوم ياعباس واروي العايـــــله
العطش موت ويخويـــه نجهله
كوم اخذ الجربه لينه امليهه
كوم يابن حيدره وحامي الدخيل
بينه شوصاك حيدر بالرحـــــيل
كال زينب بذمتـــــك انت الكفيل
لون عطشت جفك اليرويهه
كوم ياعــــــــباس شد عالرجاب
يلا جيب الماي لسكينه ورباب
وطاعن الفرسان باانواع الحراب
هاي سكنه وجودك اليحيهه
كوم يبن الغانمــــــه دك الجبال
بااسمك تناديك تصرخ هالاطفال
تريد تشرب مايك الجنــــه زلال
ماي جوده هوه اليضميهه
الجبير نكول يتــــــحمل عسر
لكن الاطفال تنســـــــه هالامر
شلون ياعباس وانطيهه العذر
لاان حر العطش هالماذيهه
صول ياخويه عليهم هالعده
بسيفك البتار راويهه الرده
كلهم الظالم علينه من بده
بظلم حيدر هالروايه ارويهه
كوم ياعـــــــباس اروي للبشر
شلون صار وسده علينه القدر
من دعونه وكالو انريد السفر
بيعة الكرار احنه عليهه
بايعونه خويه وماكو وفه
الحصل اهنا شفانه الجفه
من بعد عباس عالدنيه العفه
مانريد الماي بس حاديهه

خادم اهل البيت
ابو علي السعيدي