أم البنين أتنـادي ماتـجـيني ---- يعباس
أمك وناشد والـدمـوع بعيني ---- يعباس
ياشمعتي
وياسلوتي
***************
هـالـيــلـه أرحـل يبني مـر عـلـيـه ---- يعباس
هاليله أحس تــوافــيني المـنــيــه ---- يعباس
يابو الچـفوف العامره السخــيـــه ---- يعباس
انه أقسم عـليك انـــه بالـزچــيـــه ---- يعباس
تحضر ألي
يابـن عـلـي
***************
تحضرني وتجيب العـلـم والـرايه ---- يعباس
وتلفني بيهـن وانته تدري الغايه ---- يعباس
لتگلي ظـلـن فــوگ المسـنـايـــه ---- يعباس
بيهن أمل كل روحي والهــدايــه ---- يعباس
يابو الوفه
بيهن شفه
*****************
تحضر تجـيـني يا أمل كل عمري ---- يعباس
ياغايتي ورجواي انته وذخـــري ---- يعباس
من تذكر أرباي وحنيني وسهري ---- يعباس
لخاطرهن أتمرني وتجيني لگبري ---- يعباس
انته الحمه
بالموزمه
*************
انه أدري جاهــك يـبـو فاضل عالي ---- يعباس
وأعله الحسين أشگد عزيز وغالي ---- يعباس
ماغـيــرك بـيـوم الحشـر يـبــرالي ---- يعباس
معـقـوده بالـلـه وبـيــك كـل امالـي ---- يعباس
يارجوتي
من دنيتي
******************
اخـر وداع اللـيـلـه راح أودعــــه ---- يعباس
وخل المحب يبچي عـلـيـه وينعه ---- يعباس
من گلبه مو من عينه تنزل دمعه ---- يعباس
واللي ينادي الليله راح أسمـعــه ---- يعباس
وأشفع اله
وأتـكـفـلــه
***************
خادمكم
رياض الرسل