استمع حيدر رثائي..الكم انطيته ولائي

لزينب الحره الابيه..وفاطمه الزهره الزجيه

خل تسمع ياندائي

خل اشكي هالمصايب..وماجره اليوم ونشوفه

اجمعت كله النواصب..بخطه معلومه مكشوفه

كصده يمحيه الرساله..ونهج ابو اليمه نعوفه

وننسه من اذه الزجيه..ومانزوره احنه ونطوفه

زينب لكبرج سويه..هاي اعمال ال اميه

تحارب اصحاب الكسائي

ياضمير العالم اسمع..وشاهد الجاري ويصير

تنصب الخاين علينه..وادعه بنفسه الامير

يحارب العتره بجاهله..والنكر يوم الغدير

اصبحت زينب اسيره..والضريح اصبح اسير

من زلمه الناصبيه..ذوله اشرار البريه

الهه نصبو العدائي

ياالاهي انت تنظر..ورحمتك أتصبه بينه

تدخل الارهاب تكتل..وهدمو كبرك ولينه

الصبر مفتاح ندري..والفرج يمته يجينه

ننتظر طلت المنقذ..يعجل بامره علينه

هاي زينب هالسبيه..نشوفه بهاي المسيه

تعجل بسرعه رجائي

ياعلي الاجرام ظالم..سوه بينه هالمصاب

حطم الجدران كلهه..تفجرت بينه الكباب

من دخل داري عليه..ويفتح الخاين الباب

القصد واضح نعرفه..اليوم نوكف للحساب

نحاسبه شر البليه..ابن هند ابن الدعيه

تحاسبه ويانه السمائي

عيونه تبجي دماء..ياعلي وزاد الانين

احنه من ننضرخ ننادي..نصيح صوت وياحسين

اجمعت علينه المصايب..تحدي بيه الظالمين

وبينه الاجرام يعمل..وبينه تمشي المجرمين

يانهج حيدر بديه.. اشتكي بهاي الشكيه

نركب بسفن الشفائي

خادم اهل البيت

ابو علي السعيدي