بسم الله الرحمن الرحيم

السلام عليكم ورحمة الله وبركاته
لذكرى استشهاد سيدة نساء العالمين مولاتي فاطمة الزهراء(ع)
قصيده للاستشهاد اقول

الكسر ظلعج شلت ايده...انصيح صوت وهم نعيده
ذوله اصحاب السقيفه..تنصب عليه خليفه
نخاطبه بلهجه شديده

يالزجيه شلون حالج..نعرفه احنه الجرالج
انصيح منهو اللي حمالج.. ناحت الدار وعيالج
من بجت حتى السماء..ترثي حال الاولياء
الصوت ردد وي رعيده
ياعلي بهاي المصيبه..فاطمه البضعه الحبيبه
ام ابوهه هالنجيبه..ونسمعه صوته ونحيبه
هذا نوح الانبياء..يرثي سيد الاوصياء
الله اشكال بوعيده
لعلي جانت وصيه..الباري وصاه لنبيه
كله يصبر عالبليه..تبلغه حامي الحميه
خله يصبر عالبلاء.. بيده يمسحه الدماء
والصبر حكمه رشيده
سالت بسرعه المدامع..واذنت كل الجوامع
وخلي تسمعه المسامع..تصرخ بصوت الشوارع
تعزي كل الاوفياء..تبجي وي اهل الكساء
تردد الصوت وتعيده
يامصاب الصاربينه..دخلو لبيتك علينه
تصيح ياحيدر ولينه..طاح محسن من ادينه
بيد اشقى الاشقياء..طاح محسن بالخفاء
وجوهم فرحه وسعيده
الدخل دارج هم نلعنه..سوه بالاسلام فتنه
تدري ياصوت اللي صحنه..نطالب بثار عدنه
نرفع اطراف الرداء..نردد احنه الدعاء
نخاطبه بلهجه شديده

خادم اهل البيت
ابو علي السعيدي