اليحجي بحك زينب وشاهد دليله
ماترده وعلـــي مهموم العقيله
اليحجي بحك زينب ينول الثواب..ويحجي قصته وعظم ذاك المصاب
ومن يجره الونه وحسره وعتاب..شلون صارت حاديه وهيه الكفيله
هاي زينب بالصبر صارت مثال..ناخت اركان الارض حتى الجبال
من عكب ذاك الخدر وارقى الدلال..اصبحت بالطف مهمومه وعليله
هاي ام الخدر زينب يالنواصب..وعلى كل مسلم شهم اليوم اعاتب
وي اهل الغيره واصحاب المناصب..ياهو منكم يسمع وانه اشتكيله
اشتكي ظيم اللي يجره ياحسين..ظيم كفار ال اميه الحاقدين
تحيط زينب يا حسين المجرمين..واحنه ماعدنه يمولاي الوسيله
زينب الثوره العظيمه بكل زمان..وهيه راس الهرم عدنه والامان
تبقى شعله اتنور ابكل المكان..جده هوه المصطفى وامه الاصليه
هاي ايام المحن تمر بالعصور.. وبيه كثر اهواي من يوم الظهور
جم علامه الظهرة وبيه الفجور..وباقي منه ايام كلش بس قليله
زينب وبالشام مكسورة جناح..وتجري عكس السفن هاليوم الرياح
شوف طعنات الاجت كثر الجراح..من السبي الاول واليوم الحصيله
خادم اهل البيت
ابو علي السعيدي