شلون حال الجعفريه..لو درت زينب سبيه
ادوس عتبته النواصب..وعادت عليه المصايب
عاد بهاي المسيه
شلون حال الجعفريه..لو وصل ليه الخبر
دخلو عليهه النواصب..بزينب يحيط الخطر
هاي مرويه الروايه..انخطت بلوح السير
تحملت عظم المصايب..بيهن ادروس وعبر
ياعلي حل البلاء..وتبجي مهمومه السماء
عليهه تدخل ال اميه
شلون لو ظلت وحيده..وماله ناصر معين
لا كمر هاشم حضرهه..لا دنه منه الحسين
واليشوف يعاني مثلي..بحسره والدمع وانين
يعاين الكفار تدخل..عل الضريح الظالمين
يسمع يصيح النداء..هاي من اهل الكساء
ويل لاابناء الدعيه
ندري بالكعبه الحماهه..ربك وسخر جنود
شلون كلي بكبر زينب..لو تطب ليه اليهود
شلون لو عبر عليهه..وهدمو كل الحدود
وحضرو الهه السناسل..وحضره الهه القيود
عم في الدنيا الفناء..ولها كان العزاء
نعزي احنه المرجعيه
نحضر اجفان الرحيل..بهمه ونشد العزم
هاي محنتنه الجبيره..وبيه اتبان الزلم
لو وصل زينب وهابي..ندري وصلت للعظم
شلون نرضاهه يشيعه..زينب تبات بهظم
اثبت النه انت الولاء..ودافع بغيره وفداء
تشوفك اليوم الزجيه
حاير ومشدوه فكري..عل اللي يجره والمصير
لو وصل زينب الحاقد..تعرفه شنهو اليصير
زينب اهناك وحيده..كلي بيمن تستجير
عادت اعليه النوايب..ظلت بلايه نصير
احنه رخصنه الدماء..لخيرت ابناء النساء
لزينب الحره الابيه
خادم اهل البيت
ابو علي السعيدي