أي وحك جبد الحسين المرتوه
ابدا ماننسه الجفوف وي اللوه

أي وحك جف الكطيع ورايته..واللي بااعلى الصوت خويه نادته
يوم طاح عالثره من شافته..من عله ظهر المطهم من هوى

من ظهر المطهم من وكع..والدمه وي الروح للباري ارتفع
حتى جبرائيل لنداهه سمع..كبر بصوته وبالكون ودوه

كبر بصوته وناده المرسلين..كومو ويانه نعزي احنه الامين
طاح ياهالكون ابن الثقلين..وكلب ابو الحسنين بالنار انجوه

كلب ابو الحسنين ماهاد وهده..يوم شاف اجمعت هاي العده
وعل اهل البيت والجاري وسده..وشاف كلب احسين بالهم احتوه

شاف كلب حسين مهموم وجريح..يصيح بااعلى الصوت انه ابن الذبيح
أي وحك طه والحي المسيح.. راح من عيني هالساعه الضوه

راح من عيني الضوه طاح العلم..من شفت بالعين نابت هالسهم
صحت ياعباس يراعي الشيم..انت ياخويه بالريه الهوه

انت ياخويه ولزينب كفيل..ياابو فاضل ابن حامي الدخيل
ناحت الاكوان يومك والخليل..انت للمعلول الطيب ودوه

انت للمعلول بس انته الطبيب..اللي يترجاك مااظنه يخيب
أي وحك حسين والحبه الحبيب..المايحبكم ندري بالدنيه هوه

خادم اهل البيت
ابو علي السعيدي