الْسَّلامٌ عَلَيٌكٌمْ وَرَحْمَةٌ الله وَبَرَكَاتٌهٌ
الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ
سوال لكل من زار الامام الحسين(ع) وشاهد ماشاهد من الزوار ومن الضريح الشامخ اقول؟؟


تساؤلات ابو علي السعيدي في حب الحسين ع؟اقول
(1)


ارد اسئل الزوار والماشــــــــــــي لحسين
من توصل انت اتطفوف عينك تصل وين

ارد اسئل الزوار عن رايه ياجف
تنعرف من بعـــيد لو ذكرو الطف

ارد اسئل الزوار عن المـــــــسافه
بين البطل عباس وراعي الخلافه

ارد اسئل الزوار اصــــــعب واشد يوم
بيه الجره على احسين والكلب مهموم

ارد اسئل الزوار ياحــــــــــاله يايوم
مرت على العباس ظل كلبه ملجوم

ارد اســــــــئل الزوار عن العقيله
عليه الحمل من مال ياهو اليشيله

ارد اسئل الزوار عن سهـــم العيون
وصفولي حال حسين كللولي شلون

ارد اسئل الزوار عن حالت حسين
من اجه للعـــــباس والسهم بالعين

ارد اسئل الزوار اصعب مصيبه
صارت بيوم الطاح وبيه عجيبه


خادم اهل البيت
ابو علي السعيدي