مو عجيبه اتشوف واحد يعتنيك..وبيده للخوه يشد احزامك
هذا فرض انكال من رب الجليل.. عل كل مسلم وفي باسلامك
ياعبد ربك شوصاك شيكول..ترحم امك والدك واعمامك
ماتطيح ورايتك فوك النجوم..يالتصل صدك رحم باارحامك

ربك ناشد بصلبك.. ولرحام
وهنياله الراح للوالد..ولرحام
تدري منهو الراحم..ولرحام
ربك رحمته بوسع الدنيه

نخيت الزهره والكافل ..علي هام
الدهر بسيوف هددني..علي هام
ترني زين من صابر ..علي هام
دخيلك ياعلي تحضر اليه

ندبتك حاضر الشدات باسم عباس وعلومه
شبيهك لو يطب ميدان يخلي اتصيح بالحومه
كل راس اليطكه براس تظل اعداه مالومه
وراس براس يخليه مناطح بيه يناطح

كله بريبه تنظر..من علينه
وصدك ولا واحد..من علينه
الفخر والزود والهمه..من علينه
نباهي الكون احنه الجعفريه

نباهي الكون كله باسم ابو الحسنين
هو التاج النه وهو ضي العين
بايعانه كلنه شما تدور اسنين
وبدمانه اسمك ياحيدر

المايسمي باسمك وصله عليك..طول عمره يكون مهموم بحزن
يظل يركض دوم ينوي عالسراب..ويكظي عمره بحسره ولوعه ويون
مايحصل كلشي صدك من حياته..غير قطعه بيضه من ذاك الجفن
الماركب وي حيدره بيوم الغدير..ماينفعه اشبعد مايركب سفن

خادم اهل البيت
ابو علي السعيدي