اليوم بفرحة الزهره..نصلي عالنبي وطهره

نحي الليله فرحتنه..باسم النبي صيحتنه
خل نصيح جمعتنه..نعيد اليوم هالذكره
نصلي عالنبي المختار..والزهره وعلي الكرار
خل زغارنه وي كبار..تصيح وتلهج بنبره

نصيح ونلهج نهني.. ابن خالي وابن عمي
ودمه ارتبط وي دمي..اليوم الفرحه الكبره

اليوم الفرحه يخواني..فتحت اليوم بيباني
اصيح بصوت بلساني..ريت الباري أينصره

ريت الباري يحفظنه..عمامي واهلي سادتنه
حب حسين عادتنه..ومنهم ناخذ العبره

منهم ناخذ الافكار..ونسيربنهج ابو الاحرار
ونصبر صبر ابو الثوار.. واحنه نقتدي بصبره

احنه نقتدي بحسين..نندبه لويطكنه البين
نموت ونحيا هاي سنين..اليحبه ايزوره لكبره

اليحبه يحضره لوصاح.. بحزنه ولو تصير افراح
نجلب احنه بالسباح..لازم تنجلي الغبره

لازم تنجلي الهموم..وندري ماتظل للدوم
ربك ينصر المظلوم..ينصره بشدته وعسره

ينصره بشدته العباس..كلمن دعه وعنده احساس
من تنخه يتاج الراس..وتصيح بصوت بيه حسره

خادم اهل البيت
ابو علي السعيدي