عذرا سيدي يحسين..الكم مانوفي الدين
قليل بحقك انطينه..واليطني فده اسنيه
الك لو نكطع الجفين

عذرا سيدي ومولاي..مهموم الكلب بيكم
تمشي ورفعت الرايات..وعل الاقدام نعنيكم
شما تقسه بنا الاقدار..الموالي عيب ينسيكم
يلهج بالدرب يحسين..يوم اليجي عانيكم

تسمع صوته وونينه..ودموع تسيل من عينه
ونفس همه الاجو مشاين

قبل يومك ابدا ماصار..ولا خط القلم باللوح
اذا مره الجسم ينساك..الكم تعتني هالروح
تريد أتوصل المضمون..وعل كبرك تريد اتنوح
ماهمه الجره والصار..لاان عنده الكلب مجروح

كوم انهض وحاجينه..اليوم الكم تعنينه
اجينه اليوم مجروحين

اسباب الالم كثره..تظهر ساعة الملكه
منهم من فكد احباب..وطالت محنت الفركه
يظل يغلي الكلب مالوم..يغلي حيل وبحركه
دموعه تسيل هالايام..بغزاره ودمعه يغركه

طبع هذا احنه جانينه..حب حسين يااذينه
نبجي بالم محتركين

كل خطوه الك برهان..دليل ومنهج وايه
يوم اتروح للعباس..حامل بيدك الرايه
تسمع صوت يتلكاك..هلا بيكم يمشايه
تفضل يالنزور حسين..تفضل عمي ويايه

الك مولاي حنينه..جينه وعفنه اهلينه
جينه اليوم متحزمين

شعار الشعيه من زمان..المشي لازم يكملونه
شما يقسه الزمن وياه..الموالي يرخص عيونه
دروب الخظر يمشيه..شما رادوه يمنعونه
يتحده الخطر والموت..ورغم جور الياذونه
نصيح بصوت والينه..نصيح بصوت الك جينه
نذكر سيرة الماضين

من يوصل ضريح حسين..ملهوف الكلب والعين
مشايه الك مولاي..خلي تسمع الباقين
الك مشايه متعني..اجت ودموعه صوبين
تعزي فاطمه الزهراء..وتعزي وياه ابو الحسنين

بصحنك انت تاوينه..نعرف انت تحمينه
اجاك الزاير بهالحين


خادم اهل البيت
ابو علي السعيدي