لعنته الله على جعيده..وسمه
وباقي بالصدر لـــــسه..وسمه
بقه نيشان فعلــــــــته..وسمه
بجبدك يالحسن يبن الزجيه



اليوم دمعتنه تهل بمصابك
يالحسن حزنانه هاي احبابك


اليوم حزنانه يمولاي العباد
موشحه وتنوح تلبس هالسواد
حزنك وي حسين صارنه حداد
ناخت الاحزان بعتبت بابك

ناحت بهل اليوم وتون السمه
بيا مصاب احنه نعزي فاطمه
اربعين حسين هاي المؤلمه
لو مصاب الحسن سمه الصابك

يامصاب الحسن هالذكره نعيد
ونذكر الحوراء والسبط الشهيد
وياجروج النزفت بنحر الوريد
ياعلي نفس الدمه بمحرابك

يادماء الســالت بهـــذا الشهر
من جبدته حسين وجفوف الكمر
سالت وي الماي من ذاك الــنحر
ويانحر محزوز يروي اصحابك

نفس ربع حسين اصحاب الحسن
ونفس ربع ايزيد وبهــذا الزمن
ردو من اجديد وياكثــر الفتن
هذا ظلم ايزيد نفس اسبابك

هذا ظلم يزيد واهله الظالمين
سممو هاليوم سبط الصالحين
هذا اكبر جرم بيه للمجرمين
ونفس حاديهم حده برجابك

نفس حاديهم حده وبكربله
ونفس ظلم ايزيد بعد بااوله
ونفس ابو الحسنين يعرف قاتله
المارحم فد يوم بيه وهابك

المارحم فد يوم بيه ابن الدعي
يحرم الزارك والـــجاكم سعي
وبالبقيع يكول حرمات النبي
نسل ابن سفيان منه صوابك

امة الاسلام شــوفو شما جره
حكم ال سعود خلــنه ننظره
حوبة اهل البيت لازم تشهره
لعنت الله عله هلك وانسابك

خادم اهل البيت
ابو علي السعيدي