وفاة الحسن المجتبى ع -- عباس شوصاك اعضيدك
عباس شوصاك اعضيدك
--
وصّاك اعضيدك وسمعته -- للحسن يوم الودعته
ياعباس او من طمنته -- تكفل زينب هوه ايريدك
--
عالحسن حانت آجاله -- سمّ چبده اللي غيّر حاله
ياعباس وأنته أگباله -- والحسن باسك من جيدك
--
باسك ونته اتبوس اعيونه -- ومن انظرته اتغير لونه
گلبك ياعباس شلونه -- دمعات اعيونك شتفيدك
--
وصّاك الحسن يمهّيب -- لو بدري هاليله اتغيّب
عينك ياعباس الزينب -- وساعتها ايسلمها بأيدك
--
احفظ زينب گال ابعينك -- وافديها ابگطعة چفينك
ياعباس وهذا حسينك -- من يعطش ضحيله اوريدك
--
للحسن عاهدته ابعهدك -- من أمنّها الزينب عندك
ياعباس اتوّفي ابوعدك -- طاحن چفينك وشبيدك
--
سيد عدنان الحمامي
|