زائرين..زائرين..نحن جئناك حسين
صوتنا يلهج يردد..نواسي جينه ام البين


اليوم لارض الطف اجينه..نعزي الزهره الحزينه
اليوم ياما تلوعينه..وشلنه الكم هالحنين

جينه نرفعه المظالم..جينه نتلكه الفواطم
الذبحت اخوته الصوارم..جينه لااختك ياحسين

نمشي ابدرب السلامه..نرفع الرايه علامه
نكصد انزور الامامه..شما قست بينه السنين

اعتنينه بلهفه كلنه..امي واخواني واهلنه
ورايت العباس شلنه..والوجه عابس حزين

جينه نمشي الكم الوف..نريد بالحظره نطوف
جينه وتصيح الصفوف..احنه الكم كاصدين

احنه منهاب انفجار..ولانهاب اهل الدمار
احنه قررنه القرار..مانخاف الظالمين

كلسنه الممشه يزيد..ولانخاف احنه الوعيد
ولانهاب احنه الحديد..شما فعل بينه اللعين

حسين علمنه الدروس..نمشي عالخوف وندوس
وخله تتحده النفوس..كل ظلم والمجرمين

خادم اهل البيت
ابو علي السعيدي