يل نكرتوني..انه زينب ..يل ضربتوني ..انه زينب
بت علي وبت الزجيه.. انه الحره الابيه
انه زينب..انه زينب

حكمة الباري ونــــبيه..من رحت للشام اسري
ندري معروفه النهايه..وشنهو راح ايصير امري
يبقه يذكـــره الموالي..كربله ويجيـــــــب ذكري
انه من قدت المسيره..بــــيه كله الشيعه تدري

خطه بكتابه الجليل..انه بت حامي الدخيل
يل الاسرتوني..انه زينب

البيان اللي قريته..عالمله ويسمع يزيد
جان بيه الحكمه مني..وموعظه للي يريد
هددت وبااعلى صوتي..وكلت قد حان الوعيد
شما تريد انته بسعيك.. انت يانسل العبيد

انته ياابن الدعيه..تريد ذل الهاشميه
يل ظلمتوني..انه زينب

من سمع صوتي الظالم.. كام يسالني على اخوتي
وكال انه اليوم اخذته..ثاري منكم انتي موتي
كتله اسمع يايزيـــد..انــت ماتــسمع شــكوتي
احنه من اهل الرساله.. واصبر اني بكل بلوتي

انته ابن هند وسميه..وانه الحره الابيه
يل العرفتوني..انه زينب

حكمه جانت للجليل..وحدي امشي بالظعينه
وامشي درب الشام كله..من طلعت من المدينه
وياي اطفال ويتامه..والعليل وياي بس مقيدينه
وانضر لرؤس انه اخوتي..مادرو بينه السفينه

خيرت الله البقيه..ابن حيدر والزجيه
يل السبيتوني..انه زينب

شفت ياظلم الجرالي..وحركو خيمنه يوالي
بين نار الخيم اركض..شبت وحركت اطفالي
راح حماي الظيعنه.ومنه يفزع وانتخالي
ابدا مامر على حالي..وابدا ماشافو خيالي

تحملت الصار بيه..رغم جور وظلم اميه
يل الخذلتوني..انه زينب

لخادم اهل البيت
ابو علي السعيدي