كوم رجعنه يخويه لكربله
خل تشبع شوف كل العايله

خل نشبع شوف من جسم الحسين...والضحايا الاربعه لاأم البنين
الكم بهل الساع هزاني الحنين....ودم دمع عيني يخويه تهمله

كوم رجعنه يبن حامي الحمه....حنة الوليان صارت بالـــــــدمه
اليوم حزنانه الارض واهل السمه....لفكد ابو السجادخوته وي هله

من فكدت اهلي واخوتي وديرتي... عل الوجه ياحيف صارت لطمتي
بدمه الخوان صارت حنتـــــــــي...... وانسبي وتالي اطبن للملـــه

شلون اطبن للمله ومجلس يزيد.... والعليل وياي ويقيده الحديد
واسمع اهتافات تندد بالوعيد..... من ابن مرجانه شمر وحرمله

من ابن مرجانه شمر وشلته......من خطب ايزيد اشكال بخطبته
وكفت الحوراء يوم السمعته..... كيد كيدك يايزيد واعملــــــــه

كيد كيدك ربك اشكاتب يصير..... النه رب الحارس وهو النصير
يبقى السجاد من نسل الامير...... هو زين اعباده يقره البسمله

كام ابو محمد يخطب بالقصر......يايزيد انحذرك انهاية عمـــــر
هذا صوت الحق يشهد بالامر..... اسم جدي بالشهاده اسمه اعتله

اسم جدي من عله بصوت الاذان.... خلي يسمع حرمله وابنه سنان
تحرم اعليكم كل ذيج الجنـــــــان...... تشهد اعليكم سبيا القافلــه

تشهد اعليكم ساحات القتال..... ويشهد اعليكم هودج هالعيال
وتشهد اعليكم طعناة النبال..... وتشهد اعليكم دموعي السايله

يادموع السالت بيوم الطفوف..... وياكمر امخضب بلايه جفـــــوف
يوم عجت كربله أبهم وكسوف.. مرمي ابو السجاد ظل اعل الفله

مرمي ابو السجاد ابلايه معين ... وداس صدره ابن الزنا وابن اللعين
والعليل اخلافه مهموم وحزين.... حاير بنسوان وبطفاله ابتلـــــه

خادم اهل البيت
ابو علي السعيدي