جيتك رافع الرايه..ياابو السجاد مولايه
مسلم صار عنواني..وانصاري جنت اني
للعباس مشايه


عفت المذهب وناديت..بسم حسين واتسميت..مشايه واله اتعنيت..وامي واهلي ويايه

امي واهلي واخواني..حب حسين نجاني..يوم الدهر زلاني..وعقلي غيرت رايه

عقلي وكلبي دلاني..طريق الخير وداني..اسم حسين جاباني..وروي الكم هالروايه

اروي الكم عالنصاره.. تاهت بدربه الحياره..من قرات هاي العباره..حسين عنوان السجايه

حسين عنواني وحياتي.. غيرت كله صفاتي..انت ياسفن النجاتي..بيدي رافع الرايه

بيدي رافع الاعلام.. مسيح اعتنق اسلام..وانه اليوم بالخدام..والعباس ويايه

شوف اليوم رايتنه..لاابو السجاده جابتنه..مسيح هواي ماشتنه..واجت ويانه عنايه

اجت مشايه كل الناس ..بيه الغيره والنوماس..تحمل راية العباس..تعرف بيه الهدايه

تعرف بيه معنى اثنين..جوده ورايته وجفين..وسهم الصوابه بالعين..بروحه ثبت الثايه

بروحه من كتب عنوان..واصبح مثل بالعربان..كله تعرفه البلدان..حسين االنجم بسمايه

خادم اهل البيت
ابو علي السعيدي