غريبه بدار غربه يهلي عفتوني
شجاوب يالاهل لو مره نشدوني
وحيده امسيت اناجي الدار بعيوني
مهمومه وحيده بهم تخلوني
عليله امست يابويه رايدكم تسلوني
وحشه ومظله هالدار اهله مايحاجوني
وبقيت بامل ظل وحيد رايدهم يمروني
واسمع صوت دكت باب بظنوني
وكوم بسرعه لن الريح وي الريح بجوني


حزينه بهمي والعله...ولكدار
ويوميه الدمع نازل..ولكدار
الك منزل يظل خالي..ولك دار
تفكدك ياشهم صبح ومسيه

الدهر والفركه واحزاني..علي دار
ودمعي النزل بفاركك..علي دار
صفيت وحيده ياوالي..علي دار
ظلام وحزن والهم والاذيه

انشدج عن اهلنه وين..يادار
وادري بالوكت وياي..يادار
فكدت الغالي ياهل الناس..يادار
ثمين ولاتثمنه الدنيه ليه

خادم اهل البيت
ابو علي السعيدي