ولادة الرضا ع -- ابوذيات + هوسات
ابوذيات
==========
صعب ولله البعد للضلع يرضه -- ودليلي لاتظن بجفاك يرضه
يايوم الازورك بيه يرضه -- واطفي بحضرتك ناري السريه
=========================
عشت عمري الغير الحزن مشهد -- ولا للفرح عيني اتشوف مشهد
يبو محمد ازور شوكت مشهد -- واسولفلك هظم ياظيم بيه
-----------------------
+++++++++++++++++++++++++++
هوسات
==============
ياهو مظيوم بزمانه والعسر ذوب دليله
وياهو من المرض يشكي ولاجفن يغمض ابليله
للرضا يگصدله يمشي وعنده من يصبح دخيله
يگظيها وشيطلب منه
+++++++++++++++++++++2
هذا ابو محمد عطائه امجرب ومايصح مثله
بالكرم موصوف هوه للكرم حاويه امن اهله
شماتكون الطلب صعبه عنده اي ولله سهله
ميفشله للراد امراده
====================== 3
روح للساطان امشي واخذ من عنده التريده
هوه للمحتاج ينطي حاجته ساعتها بيده
بالجواد اقسم عليه ابطلبتك حلفه بوليده
من ايده تاخدها الحاجه
==================
سيد عدنان الحمامي
|