ولادة الامام الرضا ع
===============================

خذ مني تحياتي وسلامي -- روح المشهد وهني امامي

يمه البچي ممنوع -- واعلگ يمه اللشموع

روح المشهد وهني امامي

--

يجناح المحبه أوياك ودي -- اشموع ابمولده للرضا عندي

وشدة ورد بيها العطر يندي -- وتهاني وشوگ من الروح اهدي

وخبره شيعتك فرحانه كلها -- من الهور ولا اعلى جبلها

عدها الفرح كل نوع -- واعلگ يمه اللشموع

--

بعد وياك اخذ روحي هديه -- ونغمة عاطفه بحب الزجيه

اوصفله الفرح للرضا البيّه -- زهيه ابنوره هالدنيه زهيه

جبرائيل هاي الليله فرحان -- هنه الحور بالجنه اويه رضوان

وصوت الفرح مسموع -- واعلگ يمه اللشموع

--

يجناح المحبه وبعد اوصيك -- خبره شيعتك متلهفه ليك

يمته اتصبحّك يمته تمسيك -- يمضّيف الضيف وكفو ندريك

خطارك تجود انته عليهم -- أتبرد نارهم لو نار بيهم

بجودك تمسح ادموع -- واعلگ يمه اللشموع

--

أبو محمد كريم وسخي معروف -- وقاضي الحاجه للمحتاج موصوف

أگصد يالموالي اگصد وشوف -- شلون افواج يمه ابمرقده اتطوف

كلها تندعي بشباچه وتريد -- ومن عنده العطاياه ايحطها بالايد

يطرد عنك الروع -- واعلگ يمه اللشموع

--

يگضيلك ثلث حاجات ولله -- روح ابحاجتك للرضا گله

وكلمن طايح ابمشكل يحله -- سهله الطلبه يم الرضا سهله

يگضي حاجتك لو چنت محتاج -- والداره تروح الوادم افواج

دربه بخير مزروع -- واعلگ يمه اللشموع

--

سيد عدنان الحمامي