طلب من الامام علي (( ع ))
************
أجـيـتـك يــاعـلي ومتعـنــي للحـظـره
و أريد أبـابك أسچب من دمه العبره
***************
اجيتك ياعلي وجـايب هـمـومي ويـاي
واشكي بحـضرتـك من جور كل دنياي
وابچي بنص ضريحك مو دمع مولاي
ابچـيـلـك هـمـومي بـلـوعـه وبحـسره
*****************
اجيتك ياعلي ويـتـفـايـض الـمـدمـــع
رايــد حـاجـتـي اخــذهـا مــن اطـلــع
محــد غـيــرك انـتـه سيـدي اليشـفـع
مـنـك رايـــــد انـي يـاعـلـي نـظــــره
****************
اجيتك ياعلي وهـمــومـي جـايـبـهـــا
واريـد تحـقـق انته الروحي طـلـبـهـا
بـيه الـدنـيـه غـرزت كل مخـالـبـهـــا
واحـس هـمــوم گلبي تستعـر جـمره
****************
اجيتك ياعـلـي ومـنـي العگـل هـايــم
مـن جـور الي بيه وجـور كل ظـالــم
مـنـذور الك اني مـن الـزغــر خــادم
احـبـك ياعـلي وهالحب عـلى الفطره
*****************
اجـيـتك ياعلي والـدنيه جـارت حـيـل
ودموعي اعـله خدي تنحدر چالسيل
احـسد گـمـت انـي الـي يـنـام الليـل
تسعـر نـاري بيه وگـلـبـي شيصبـره
*****************
اجيتك ياعلي والــروح محــتــــاره
ودموعي اعـله خـدي بحرگه تجاره
طـفـيـلـي الـدلـيـل التسـتعــر نـاره
امشي اعـليك طه وبضعـتـه الزهره
*************
هـذا اخـر كلامي مطـلـبي اتعـرفـه
اريــد الـداي عـلتي سيـدي وصـفـه
لأن بس بـوصفـتـك يـاعـلي اشـفــه
بجاهك وادري جاهك ياعلي اشكبره
**************
خادمكم
رياض الرسل