نرثي سبط الهادي من ال النبي..لقتيل الطف اجري مدمعي
اليوم زينب راحت وتمشي سبيه.. طاحو عل الكاع اولاد الزجيه

يداي..جرح ينزف ييمه وجرح...يداي
يداي..لون يدري بوليي انجتل....يداي
يداي..بدم نحرك يخويه اصبغت...يداي
يداي..لطمت عل الوجه بااثنين اديه

والكفيل اليوم غايب يخوتي..شلون حالي تشوف تهمل دمعتي
والكفيل يعاين يباوع عليه.. .. طاحو عل الكاع اولاد الزجيه

كفاني..راح الجان كافلـــني...كفاني
كفاني..اديه اللي احملت وزري...كفاني
كفاني..ريت اتصــير بمجانك...كفاني
كفاني.. ولاشوفن جفوفك على الوطيه

علي الاكبر توذر طاح عالتربان..وبخيول العده صار الصدر ميدان
من دنت ليه المنيه.. طاحو عل الكاع اولاد الزجيه

شبيهه..عفه روحي يعمه الهم... شبيهه
شبيهه..الهم من برز نســـله...شبيهه
شبيهه..نار اللي اوَكَدت كلبي ...شبيهه
شبيهه..ناره اسعرت دلالي اليه

عريس الطفوف استاذن وصال..لعد عمه دنه واترخص وكال
ياعمي حرز عندي وصيه.. طاحو عل الكاع اولاد الزجيه

وديت..لعد عمك يممه اوفيــت...وديت
وديت..وعرسك كون هذا اليوم... وديت
وديت..دم مو دمع بالـــعين... وديت
وديت..خزن جرح كلبي بهل المسيه

نبلت حرمله الشبت بالظلوع..عبد الله الرضيع النحر مكطوع
وامه عالمهد ظلت ربيه.. طاحو عل الكاع اولاد الزجيه

ولدهه..شلون الوالده الفكدت....ولدهه
ولدهه..عليه اشجره من امره...ولدهه
ولدهه..سهم البين رجعهـــه....ولدهه
ولدهه..بسهم فركاك دم نحرك بديه

خادم اهل البيت
ابو علي السعيدي