بسم الله الرحمن الرحيم
الحمد لله تعالى رب العالمين
اللهم صل على محمد وآل محمد بعدد ما تحب وترضى
صلى الله عليك يا مولاي يا أبا عبد الله
السلام عليكم ورحمة الله وبركاته
مطابقة لطور : صوت الراية .
إمن البداية ... وللنهاية
لو تسال هاي العين
تكَلك اريد حسين
مشتاقة لوصلك روحي وفرقاك ايهيج الالام
كل يوم القبرك اسعى ولملقاك احسب ايام
يايوم اوصل يم قبرك واتسجل اسمي ويه الخدام
زيارة قبرك حلم عمري وهالحلم انطرته اعوام
انطيتك عمري ... وباجر بقبري
تلكَه القلب له ونين
تكَلك اريد حسين
ولو تسال عن جفني الدامي اشجرحه وينزف من سنين
ولو تسال عن جرح القلب يكلك جرحي فراق حسين
ولو تسال عن علة روحي كل لحظة اتمر الها ونين
تكلك اعلى حسين الونه والنوح ماتبطله العين
وكل حنيني ... إبطول سنيني
اعلى القلبي بيه ارهين
تكَلك اريد حسين
عمري ما يسوى من غيره وبخدمته انا الربحان
بجفيني اخدمه وبروحي وبعيني وبرموش الاجفان
وهاي الكلمة اخذها مني الما يخدمه هوه الخسران
لو يطلب عمري مايغلى افديه بعمري وانا فرحان
الكرامة ... بالخدامة
رابحها دنيا ودين
تكَلك اريد حسين
ينبض قلبي بحبه وروحي اتهيم بحبه ليل انهار
وعيني اعليه تذرف دمعتها وبالقلب شايله اسرار
وما يخلص اعليه حزني ونوحي وبروحي تتوجر نار
انا لاجله ما اعوف احزاني ولاجل مصابه اعمي الانظار
ارخص وتيني ... وانشدها عيني
شوفة منو اتريدين
تكَلك اريد حسين
بقلمـــــــــي
2010 م
دموعي حسينية .
إنت معنى للحقيقة يا حسين ... والحقائق كلها من دونك عدم .
يبقى شامخ عالي قدرك ما يزول ... ونبقى لك للموت عشاق وخدم .