ولادة الحسن المجتبى ع
----------------------------------------- موال

عيد اليوم مر بيّه وچفي الجيته حنيته

چنت مشتاگله وملهوف شبگته الصدري ظميته

خذته ورحت بيه فرحان دربي الكربله امشيته

وعلم اخضرخذت بيدي وبحزامين شديته

كتبت اعليه يبو فاظل ابدمع الفرح خطيته

كل همي اريد اوصل لاابو الاكبر واطب بيته

واكله ابشاره جايبلك وگبل الناس هنيته

صدگ والله چبيره هاي ابداره انچاني الگيته

وشفت الباب من ابعيد ركظت الباب دگيته

لن يطلع ابو فاضل تلگاني وتلگيته

على رجليه طحت للگاع اتراب الجدم شميته

على رجليه طحت للگاع برجليه گمت حبيته

محب وجايب ابشاره ومنك راد عيديته

تهانينه يخو زينب بخوك الحسن ناديته

شجاني مااچلب بيه ومدري شلون هديته

ومدري شلون هديته

ومدري شلون هديته
----------------------------------

الدعاء للجميع بالخير والبركه وللسيد قحطان الحمامي وضرغام الحمامي ربي ي حفظهم