وفاة الامام علي ع -- دارمي -- مودع بالله روح روح الله وياك
سلام عليكم
-----
مودع بالله روح روح الله وياك
لاتظن هالايتام يابويه تنساك
-----
من مثلي شافت ظيم من مثلي بالهم
حزن ونزيف اجروح ماصحلي بلسم
وشيبة ابويه اليوم متخضبه بالدم
بويه برحيلك وين هم بعد الگاك
------
بت فاطمه وآلام عشت ابفگدها
لوعتها وسط الروح لساه بعدها
وفجعة ابويه النوب حانت وعدها
ينحمل لتظن يوم يابويه فرگاك
------
سيف الغدر مسموم بالهامه صابه
أيس طبيبه الشاف شدة صوابه
غالي ابويه شلون احمل غيابه
مو خذت عمري اوياك يابويه يرضاك
-----
ايتام الك ايتام فگدت صبرها
يابا الحسن شتگول حارت بمرها
ماظن عگب عيناك يرحم دهرها
تعيش ابفقر وبعوز من بعد عيناك
----
بصوت الحزن تنعاك بويه الرعيه
تودعها رايح وين هاي المسيه
عگبك تظل ابظيم ماترضه هيه
وعنها يبو الحسنين غيبتك دنياك
-----
ماينحمل فرگاك يصعب غيابك
جتي الارامل ليك وگفت ابابك
عدها عتب وياك اتعاتب جنابك
ابلا والي نبقه اشلون ياعلي ابلياك
---
يابا الحسن شتشوف من الها الايتام
اتخليها للحرمان والجور الايام
شلون الك تغمض عين ياحيدر اتنام
وظلت يتامه الناس بالحسره تنعاك
---
سيد عدنان الحمامي
|