ماعندي بس محبوب وأفرشلة رمشي .. والعين أحطهه بساط وعليهه يمشي
يمته النداء يصيح وتهوس الناس ... وراية المهدي تگوم تخفج عله الراس
حگة الشعر هاليوم لو راسة ظمة ... يعجز السانة وعيب من الأيمة
لابد يجي الموعود وتگر العيون... ونسددلهه سهام عين اليشكون
ألبس وشد أحزام والسيف حاظر .. بس أسمع بطاريك يالحجة ظاهر
يالغايب أظهر عاد هم ألهه تالي ..ضاگت وحگ عيناك فرج يغالي
عندك الناس تگول عصاة موسى ... شمتاني يالمحجوب خصمك تدوس
من غبت عنه الگوم ولية ولونه ... بالغدر والتفجير يستهدفونه
غشمة وحگ عيناك هالناصبية .. ما درو بينة نزيد المية مية
الفرح طار بشوكرفرف عليه = ويايه هنه اليوم شبل الزجيه
حاسدني هذا اليوم ذاك اليظن بيك == جي ورد حنه وياس شالت مواليك
ارد اضحك انه ابصوت خلهم يلومون == متباهي بيك وصار دلالي مفتون
كل سايل اعله الباب يوكف يكت دم == واكليبي عالموعود حط راسه سلم
ارد اوصي للزوار هاي المسيه == لو طبو العباس هنو الزجيه
العبره بالميلاد مو بس تهاني == العبره نفهم زين المن نتاني
هنيالله كلمن صار خادم خدمهم =باجر شفاعه اينول والتشفع امهم
عجل عله الوفاد يا كحل العيون == مو عالدرب بالشوك كلهم يتانون
للشاعر محمد الطليباوي بصرة
ماضل صبر بالروح وليمتة انطر 00 يالمهدي يلموعود مو مسني الضر
للشاعر عقيل الأحمد التميمي
عجل يرب الكون طلعت ولينة
يمليها قسط وجود ويهل علينة
عذبني جرح الشوك اذاني الفراك
يمتة الفرج مولاي صدكني مشتاك
الغايب اظهر عاد واتحزم احزام....ماظل كتر بالكاع ما ممتلي آثام
من غبت عني الناس صاحت خطيه ... رد لا تخلي أعداي تضحك عليه
كدامي هل شمات واحدهه حجاج ... ترضاهه اظل مسجون يلشوفك افراج
يالمهدي أترجاك تقبلني خادم
خلني أكون اوياك دومًا ملازم
لحد يلوم الروح لو فارقتني
تبحث وصال النور لن شوقي فتني
مشاركة المنشد مرتضى الكاظمي
كمت احسب الاياملحظه اوي لحظه .. بلكت تخلص بساعوبشخصك احظه
يبن النبي المختار يا سيد الكوم
ننتظر صبحك حيل وتزيل الهموم
تاج وتظل عالراس ايبن الزجيه
ونتعاهد احنه وياك لحد المنيه
بدم عهدنا وياك مولانا مكتوب
نبقى ونظل خدام لسمك يمحبوب
وبلهفه تدري اهواي نقره العهد ليك
وتحنب الهامات من يمر طاريك
كل كَلب حن وهام وابحبك يذوب
حبك من الله يصير ساكن بالكلوب
محيي السنن واحكام ايبن الاطايب
كل كلب حن عليك يهتف يغايب
مهدينه يا هناس من يظهر يثور
يملأ ارضنا بخير وعلينه ناطور
تستأصل اهل الجور بسيفك ولينه
ما تظل حتى اثار لهل ضغينه
_________________________
ياربي بالعباس والجربه والعين ..... طك الكلب وشتاك لبن الميامين
_________________________
ماعندي بس محبوب وانطر وصالة
بين الكلب والعين راسم خيالة
وين الشعر هاليوم خاتل اشوفة
خل يعلن الأفراح كعدت ضيوفة
لا بد يجي الموعود ينشر دولتة
ويأمن المآلوم وتحل بركتة
عين اليشك تلتاف وتعمة ابعذلهة
خل تسكت العذال وتعدل حملها
يانسمة العشاك وديني يمة
ارد افرح ابطرواه وبجدمة اشمة
غايب تظل والشوكَ طافح غديرة
دوّر عليك اهناك بحضرة اميرة
كل ياسة بيها اسرار عرفوا فرحنة
حسدونة وحنة ابهاي عالي قدرنة