ولادة الحجه عج -- يالمحجوب عن العين
يالمحجوب عن العين ابيا قمه وصرح صاير
چايمته تصيح الثار تبقه لشوكت صابر
-----------------------------------
يالمحجوب الك ياعين تغمض عالهظم وتنام
ناس التنتظر فجرك اصبح هالفجر احلام
لوظالم يروح اليوم ايخلف من وراه ظلام
ناس الحملت الاوجاع
تنهض رادتك فزاع
للحگ مابگاله اشراع
وبروج الفتن تهنه ----- واحدنه صفه حاير
-------------------------
حاير كل فكر حاير يالمهدي مچانك وين
ياسچه التمر بيها يادرب المشيته امنين
مانحمل بعد اكثر احملنه امن الدواهي اسنين
يمته الشخصك انشوفه
ايصلي ابمسجد الكوفه
وجيشك شاهر اسيوفه
بيهم تاخذ الثارات ---- ونته اعله الظلم ثاير
-----------------------------------
ثاير للعداله انريد يالغايب دسل سيفك
واحنه اوياك حد الموت يالماتطرد الظيفك
لو نصبر بعد اكثر هذي ظلت ابكيفك
چم ثار الالك چم ثار
چم دار انسبت چم دار
مودمنه جره انهار
وصرخات الضمير اشلون --- الهن مايصح ناصر
-----------------------------
اجبر خاطر المظلوم يالغايب يريد الثار
خًلف هالوكت احزان خًلف نايحه ابكل دار
لامسلم رحم مسلم ولاجار الرحمله جار
لا أخ يرحم الخوه
ولاتسمع بعد نخوه
افگدنه حتى المروه
كل واحد صبح بينه ---- ابمكره وحيلته ايجاهر
---------------------------------
|