المستهل
-----------

عالعهد كلنه اوياك --- بطف كربله نلگاك

ياصاحب الزمان -- يا صاحب الزمان
-------------------

عالوعد كل عام اليجي ابطف كربله نتلاگه -- ياصاحب الزمان

لحسين اجت من كل قطر يبن الحسن عشاگه --- ياصاحب الزمان

تحمل تهاني ابمولدك والشوفتك مشتاگه --- يا صاحب الزمان

تدري المحب اعله اليحب صعبه يصير افراگه --- ياصاحب الزمان

نتمنه لوشفناك --- بطف كربله نلگاك

ياصاحب الزمان --- ياصاحب الزمان
----------------------------------------

شارع السدره شاهده وقيس الولاء وشوفه --- ياصاحب الزمان

مابين مروه والصفه مثل اليحج انطوفه --- ياصاحب الزمان

كل محب عالگ شمعته للفرح حنه اچفوفه --- ياصاحب الزمان

بحظرة حسين ابمولدك دمعة عشگ مذروفه --- ياصاحب الزمان

برواحنا نفداك ---- بطف كربله نلگاك

ياصاحب الزمان --- ياصاحب الزمان
----------------------------------------------

ذكراك هذا كل سنه وين التجًبر وينه ------ ياصاحب الزمان

يمنعنه راد وماگدر من شافنه ضحينه ---- ياصاحب الزمان

كل محب يبذل مهجته فدوه العمر وسنينه --- ياصاحب الزمان

من جدك حسين العزم ياسيدي هالبينه ---- ياصاحب الزمان

كل احنه عد عيناك --- ابطف كربله نلگاك

ياصاحب الزمان --- ياصاحب الزمان
------------------------------------------

رغماً على انف الزمن كربله اتشع ابنورك --- ياصاحب الزمان

نعتقد كلنه سيدي بصحن الحسين احضورك --- ياصاحب الزمان

مولدك نعلگ شمعته وفاحت اعطور ابخورك --- ياصاحب الزمان

وصرخة ولاء التعتلي چايمته يوم اظهورك --- ياصاحب الزمان

يمته يرف الواك --- بطف كربله نلگاك

ياصاحب الزمان ---- ياصاحب الزمان
------------------------------------------------------

نتنطر بروح الصبر فجرك يطر اعلينه ----- ياصاحب الزمان

ابمسجد السهله ابطلعتك للرب شكر صلينه ----- ياصاحب الزمان

لشوكت گلي ننتظر ياسيدي اتخلينه ------ ياصاحب الزمان

يمته يسلطان العصر هالفرج يمته او وينه --- ياصاحب الزمان

بكل فرض ما ننساك ---- بطف كربله نلگاك

ياصاحب الزمان ---- ياصاحب الزمان

--------------------------------------

اللهم اجعلنا من انصاره واعوانه ومن الستشهدين بين يديه

يالله يالله يالله

الشاعر الحسيني سيد عدنان الحمامي