المستهل
---------

بحب حسين مجنون ----- چم عابس وچم جون ------- يهتف يبو السجاد --- يهتف يبو السجاد

---------------------------------

چم عابس الك يحسين فرحان ---- حاظر هالمسيه

يهتف ياحبيبي بصوت الايمان ---- وبروحه السخيه

يتمنه الادين اتصير جنحان ---- تحمله للزجيه

يهنيها بنورك نور الاكوان ---- ويهني نبيه

ريحانة محمد

هذا الكون ردد

يهتف يبو السجاد ----- يهتف يبو السجاد
--------------------------------------

شعبان الفرح بين أهلاله ----- والدنيه مزهره

من نور القدس نوره تلاله ----- يبهر من تنظره

ومن جده النبي حسنه وكماله ---- ريحانة الزهره

جامع من علي اجمل خصاله ---- من حلمه من صبره

مكه شعت بنور

وفرحت منى والطور

يهتف يبو السجاد ------- يهتف يبو السجاد
-----------------------------

يامكى ومنى اشتركي بالافراح ---- خل يفرح نبينه

وطشي ياسمين او ورد قداح ----- عطري للمدينه

وألمروه وصفى هالعطر لو راح --- عطره خل يجينه

يأطيب عطر عشاگ فواح ------ يتناثر علينه

نتبرك ابعطره

وألبارك الزهره

يهتف يبو السجاد ------ يهتف يبو السجاد
------------------------

يا أجمل واعز وأغلى محبوب ---- حبك بالظماير

بشريان الدمه ايغذي للگلوب ----- وينقي السراير

اسمك با الگلب كل حرف مكتوب ----- وسط الگلب صاير

وبساحل ودادك سيدي انذوب ----- يمنوًر البصاير

حبك هوًه قرأن

واسمع صوت الايمان

يهتف يبو السجاد ------ يهتف يبو السجاد
-----------------------------

عذال شكثر لامونه بهواك ----- متهمنه الملامه

يالحبك نجاة وسرنه وياك ----- وبدرب السلامه

درب الخير درب العدل مسراك ----- يانور الامامه

واصبح كل محب يحسين يفداك ----- بيك اصبح غرامه

ماكوعالعشگ لوم

والعاشگ يظل دوم

يهتف يبو السجاد ----- يهتف يبو السجاد
---------------------------

انجدد لك عهدنه اليوم يحسين ------ ونجدد البيعه

ياشمعة دربنه اتضوي للعين ----- حبك ما نبيعه

تبق ارگابنه مطلوبه لك دين ----- والشخصك نطيعه

يالدمك يثبت منهج الدين ----- واسواره المنيعه

اعلن لك ولائي

يحسين او ندائي

يهتف يبو السجاد ----------- يهتف يبو السجاد

-----------------------------------


اللهم ارزقنا شفاعة الحسين يالله


خادم الزهراء سيد عدنان الحمامي